Men who can't be moved.

Sup.
Tarantadong mahilig magmura na kung saan parte na to ng lahat ng kanyang pangugusap. Siraulong mahilig makipagaway dahil hindi niya nakuha yung huling piraso ng maling. Gagong walang relasyong tumatagal ng higit sa 6 na buwan. Hijo de putang ang alam lang gawin ay bumili ng maiinom, mang impluwensyang uminom, maligo sa iniinom, at siyempre, uminom. Sigurado akong lahat tayo may ganitong kaibigan. At kung sineswerte kang hayop ka, malamang ikaw pa to.

Ang baba ng tingin natin sa kanila diba? Para kasing alam mo ng walang patutunguan tong mga taong to. Walang silbe, magdadagdag lang ng kalat sa lipunan dahil ang pangarap lang nila ay magkalat ng lahi, magkaron ng panganay sa 7 o higit pang babae, at siyempre madakma ang suso ni Anne Curtis live sa Showtime.

Aaminin ko, meron ako ng ilan sa mga katangiang to.

Eto lang ang masasabi ko para kahit papano nama'y mapagtangol ko ang pagkatao ko.

Darating ang araw mamamatay ako, bago pa dumating yun, alam kong wala akong maiaambag na isang makabuluhang bagay sa lipunan. Hindi ako makakaimbento ng iPorn. Wala akong pamilyang maiaaahon sa hirap. Malabong magkaron ako ng parangal sa kahit anong larangan. Ang alam ko lang sa sarili ko, ay natuto akong magpahalaga sa isang tao na higit pa sa buhay ko. Higit pa sa inakala kong kaya ko. Higit pa sa kahit na ano.